يا بلدي ابكي

يا بلدي ابكي على اللي ذاق طعم نيلك
يا بلدي داري م السنين دمع عينك
يا بلدي امحي م الوجود كل خاين
باع وكان عذره خيرك
قالوا الجهاد
قالوا الكفاح
طيب سماح
هديتوا قصري
باسم مين؟
تبكي العنين
على ايد ولادها
والأسم مصري
مصري وحزين
على جرح بلدي
روحي يا بلدي بين اديكي
لو كله باع انا برده ليكي
خايف عليكي
يا بلدي انسي
نيلك بيسري
في قلبي لسه
دول مهما علموا
ومهما خربوا
في قلبي همسه
همسه لعنيكي
يا أغلى ارض
عاشق ترابك
شايف خرابك
على ايد ولادك
والقلب يدمع
دمعي فداكي
روحي لملاكي
من غير ترابك
والله ما أسوا
دي التربه مثوا
وانا برده ليكي
عاشق عنيكي
لو كله باعك
عيني دليلك
يا بلدي ابكي على اللي ذاق طعم نيلك
والله يا بلدي
لاكتب بدمي
أكبر شهاده
بحب أمي
يا أغلى أم
يا أحلى اسم
اسمك ف روحي
بلسم جروحي
عشق الفؤاد
والله جرحك
يا بلدي جرحي
والله دمعك
زوّدلي دمعي
وارجع وأشكي
ممكن يا بلدي
ف يوم يفوقوا
ماهو انتي برده
الأم كنتي
وياما برده
دابوا ف حنينك
يا بلدي ابكي على اللي ذاق طعم نيلك
ازاي خانوكي؟!
وبكام باعوكي؟!
ازاي فاتوكي
وحدك يا عيني
سامع يا بلدي
والله صوتك
سامع وبصرخ
يمكن يفوقوا
يمكن يعودوا
تاني لنيلك
يا بلدي ابكي على اللي ذاق طعم نيلك

حان الأوان لإزالة القناع

تتناثرالضحكات وتنهال الورودعلى المهرج(البلياتشو)في السيرك ويقابل اخونا كل موجات التصفيق الحار بنفس الوجه الضاحك
الجامد..حتى اذاقوبل بالإستهجان والاستنكار فانه لن يجرؤعلى تغير تلك الابتسامه(فلوأزالهاانتهت مهمته على مسرح الحياة)على
اساس يعني ان الحياه للواحد مننا هيه الشغل اللي بياكل من وراه عيش..ماعلينا..المهم انا كنت هقول ايه بقى؟
اه افتكرت...كنابنقول قناع كده وكلام كبيرطيب ازاي وليه وبتاع ايه يعني نشيل القناع داوالاهوه فين القناع يعني..هم كل الناس
بلياتشو في السيرك؟!حاشا وكلا و اعوذبالله من تلك المقوله..ولكن للأسف فالجميع في سرك الحياه مهرجين..ازاي بقى؟
صدقوني انا بطلت اشرب المخدرات بكل انواعها يعني مش يهييس ولابهرتل ولاحتى بقيت عجوز وبخرّف, بس عايزحد يقولي اني غلطان(ياريت اكون غلطان)طيب..يعني لما الحاج حسين يقفش الواد حماده وهوبيشرب سجايرفي الحمام ويطلع عينه م الضرب وفين يوجعك..يعني هوه ابونا الحاج بيضرب الواد ياعيني عشان بيشرب سجاير؟!لاطبعا بس هو بيعمله يبقى حويط ولما يعمل حاجه غلط يعرف يداري عليها كويس!!بس بطريقه غير مباشره
طيب ولما الحاجه فتحية تزنق البت سوسو مع الواد ابن الجيران في بيرالسلم وتنزل على دماغها بالشبشب لحد ماتقول حقي برقبتي
ومش هعمل كده تاني يا امي..دا اذا الواد ابن الجيران ماخدش نصيبه هو كمان من البهدله..يعني والنبي كده يعني هيه بهدلتهم عشان.. شرف البت زي عود الكبريت ويعني على اساس انها لحقتها قبل ماتغرق وتنزل في ظلمات الانحدار الاخلاقي؟والايعني عشان خايفه ان البت لما سمعتها تنتشر بين الناس ما يجيلهاش عرسان؟ لاطبعا بس ستنا الحاجه قصدها تقول للبت انها لما تحب تعمل راندفوو تكون مفتّحة وتختار المكان اللي ماحدش يقدر يزنقها فيه..ويعني برده تفهمها فوق البيعه ان الحب شمعه لازم الواحد مننا يداري عليها..بس هيه بتوصل المعلومه بطريقه غيرمباشره
والا يعني لما يطلع البيه المسؤول الكبير على التلفزيون والذي منّه ويجعجع ويقول ياناس كفايه حرام عليكو ارحمو الحكومه وكفايه عيال
احنا بنزيد كام مليون في السنهوكمان شويه مش هنلاقي اكل ناكله يعني من الآخر كده لمّوا نفسكو شويه وياريت تشدوا الحزام شويه
..يعني هوه بيفكر في مصلحة البلد يعني؟! والا على اساس انه خايف على مستوى المعيشه للفرد في وطننا الغالي الحبيب؟ لا طبعا بس
اخونا البيه المسؤول الكبير عارف انه لما الناس تزيد مصاريفهم هتكتر وكلنا كمان عارفين كده بس اللي مش عارفينه او مطنشينه انه لما مصاريف البلد تزيد السمسره اللي بيسمسرها البيه واللي زيّه طبيعي يعني هتنقص وبالتالي يتخرب بيته لما حسابه في بنوك سويسرا ينزل شويه ويعني من الآخر ارحمو الناس اللي فوق وما تكونوش انتو و الزمن عليهم...
ها ...بس كفايه انا اساسا مش ناوي اشيل القناع لاني اساسا مش فاهم أي حاجه من اللي انا كاتبه
ومن الآخر انا دماغي وجعتني من كتر الكلام ف الفاضي
والسلامو عليكو بقى...

طبق اليوم(سياسه)بالبهارات

طبق اليوم هو (السياسه)وعليها بعض البهارات واليكم المقادير

وحتى تكون سياسي ماهر ومن اخوانا اياهم اللي ما نقدر ابدا نطلق عليهم لقب سابق الا لما يريد المولى وملك الموت (بعيد عنكم) ياخد الأمانه,لازم بقى تتبعوا كل الخطوات وبكل دقه وبكل اخلاص

اولا لازم تحضر شويه مكر وخباثة عشان دول هنحتاجهم كمان شويه

ثانيا لازم يجيب نجيب نص كيلو قله أدب لزوم القعدة والرجاله

ثالثا المفروض يكون معانا كيسين كذب بس من اللي قلبك يحبهم

رابعا معلقتين (حجم ملعقة الشاي)من الكلام الحلو

وربع معلقه كبيره من الضحكات الخبيثه ايّاها

خامسا تلاتة كيلو نصب واحتيال ولو في خبره سابقه في كام عمليه ما يضرش

سادسا تحضر طبق من البلطجيه والتابعين اياهم عشان لو فيه انتخابات او مظاهرات الامر ما يسلمش

سابعا نخلط كل اللي فات ونسويه على نار هاديه

نسكب الخليط في وعاء يحتوي بعض القصص والامجاد عن تاريخك الثوري وحياتك في المعتقلات(طبعا حياتك دي انت حر فيها تقول عنها اللي انت عايزه ان شاالله لو كنت عمرك ما تعرف المعتقلات دي شكلها ايه) بس اهو شيء لزوم الشيء

ثامنا نضع الخلطه في الفرن ونصبر عليها شهر وبعدين نطلعها ونحط على الوش شويه نفاق

تاسعا قبل ما اقدم الوجبه للمعازيم(وطبعا الكل عارف مين المعازيمما تنساش ترش حواليها ومن الزوايا الاربع كميات متفاوته من الخدمات ولو البسيط منها)وطبعا الخدمات دي ليها ناسها برضه

عاشرا ودي آخر خطوه عشان نخلص بقى من الليله دي

ما تنساش تملى الوجبه الجميله دي بالسم وياريت يكون تأثيره بطيئ علشان ندرس تأثريه على المعازيم اياهم

وبالهنا والشفى وعقبال كل سياسي وانتوا طيبين

نظرة من الداخل

بين كل الثواني التي تمر وتليها الدقائق ثم الساعات والايام والشهور والسنين لا أرى فرقا الا في بعض المشاهد الاضافيه ويبقى صلب السيناريو والحوار ثابت لا يتغير والممثلين ذوي الادوار الباهته يطلون علينا بنفس الوجوه الشاحبه والكل من حولي يظن انه في عالمه الخاص..ولكن اي عالم يقصدون ام انهم يعيشون في عالم غير اللذي اعيش فيه؟!!هذه هيه البدايه فقط..وتستمر الرواية (الحدوته)حدوتة البسكلته اللي باربع عجلات اتنين منهم بيشمو لقدام والاتنين التانيين بالعكس ما تستغبوش هيه كده بالظبط واللي بيبدل لقدام فاكر انه ماشي واللي بيبدل بالعكس برده فاكر انه ماشي!! وزي ما بيقولوا أهي ماشيه وماشيه الناس
البدايه:(من انا ؟)مجرد سؤال
واليكم باقي الاسئله
اين انا؟
لما انا هنا؟
ما وظيفتي؟
هل اتحكم فيما يدور حولي ام أن ما حولي هو ما يتحكم في؟
ما تلك الوجوه اللتي القاها كل يوم؟
ماذا يريد الناس مني وماذا أريد؟
الى اين اخطو والى اين أسير؟
بس كفايه اسئله النهارده المره الجيه نجاوب او نحاول نجاوب

غلبـــــــــــــــــــــــــان

غلبـــــــــــان

غلبان يا ابويــه 000000000000والغُلب دا عنـــــــوان
تعبان يا ابويــه0000000000و من التعب زهقـــــان
إرويني يابـــــا00000000000 راجع بموت عطشان
لفيتها يابــــــا00000000000 مالقيتش فيها أمان
ولا حضن دافي 00000000000لقيته ف الاحضـــان
كلّه يا بويــــه 000000000000عايزك عشان طمعان
وعرفت يابـــــا 0000000000000حكمه قالوها زمان
قالو الغريب عنــــــــــــــــــــــــــك مالوهش أمـــــان
كدَّبت نفسي 0000000000000واديني جيت ندمان
ورجعت وحدي000000000000 م السفر هلكـــــــان
هات إيد ابوسها 000000000000والتانيه برده كمان
والـــــــــــله يابا000000000000 غيرك مافيش انسان
أرمي حمولي عليــــــــــــــــــه يقولي كمــــــــــان
فاكر يا ابويــــه 00000000000 شجره الرُّمـــــــــــان؟
دمعه ف عنيّه00000000000 مسحتهالي زمـــــــان
قولي يا بويه 000000000000عملت ايه علشـــــان
تِأسى السنين000000000000 عليــــــــه والأحـــــزان
غلطان يا بويه00000000000 لما سافرت زمــــــــان
ضحكت عليه 000000000000الدنيــــــــــــا بالألوان
غلبان يا بويه 000000000000م الهجر والحرمــان
بشكي يا بويه 00000000وفي السماح طمعــــان
ارحمني يابا000000000000000هبكي ولسه كمـــان
جوايا صرخه 0000000000000مكتومه للأزمــــان
صدقني يابه 000000000000ابنك ضعيف غلبـــان

ورجعت تاني0000000000 ماليش يا بويه مكان
غير بس جنبك000000000 بتتنسي الأحــــــــزان
هات إيد ابوسها00000000 والتانيه برده كمــــان


ابنك المخلص